செவ்வாய், 19 செப்டம்பர், 2017

இதுதான் இந்தியா! இதுதான் தமிழ்நாடு!


-எனது பேச்சின் யூட்யூப் இணைப்பு!

கடந்த 17-9-2017 அன்று மாலையில் மயிலாடுதுறையில் நடந்த ஆயுள்காப்பீட்டுக் கழக ஊழியர் சங்கத்தின் (AIIEA) தஞ்சை மண்டல 55ஆவது மாநாட்டின் கலை-மாலையில் நான் பேசிய பேச்சின் காணொலி இணைப்பு – 
https://youtu.be/HsVW9OZTp2I?t=1
நன்றி AIIEA தஞ்சை நண்பர்கள்
---------------------------------------------------------------------------- 
கூடுதலாக, மக்கள் ஒற்றுமை தொடர்பான கருத்துகளைப் படிக்க எனது இந்தப் பதிவையும் பார்க்கலாம் –

வெள்ளி, 21 ஜூலை, 2017

நூறாவது வாரம் “விதை-கலாம் நிகழ்வு! வருக!

குருவி வளர்த்தேன், பறந்துவிட்டது,
அணில் வளர்த்தேன் ஓடிவிட்டது,
மரம் வளர்த்தேன் இரண்டும் திரும்பி வந்து விட்டது!
-என்று சொல்லிச் சென்ற மாமனிதர் அப்துல்கலாம் உசுப்பிவிட்டுச் சென்ற புதுக்கோட்டை இளைஞர்களின் பணி 
இப்போது 100வாரத்தைத் தொட்டுத் தொடர்ந்து செல்கிறது! 
உண்மையிலேயே பாராட்டவேண்டும்!

இன்று தொடங்கியதுபோல இருக்கிறது…
100வாரம்முடிந்துவிட்டதாம்!
கண்களில் நம்பிக்கை ஒளியேற்றும் கனலோடு, மலையப்பன் நேற்றுவந்து சொன்னபோது எனக்கே மலைப்பாயிருந்தது!

நூறு வாரங்களாக ஒவ்வொரு ஞாயிறும், இளைஞர்சிலர் அதிகாலையில் கிளம்பி ஏற்கெனவே, திட்டமிட்டு, அனுமதிபெற்ற இடத்திற்குப் போய், குழிதோண்டி, சிலமரக்கன்றுகளை நடுவது, அவற்றைப் பாதுகாத்து, நீர்ஊற்றி வளர்ப்பதற்கான உறுதியை அந்தப் பகுதிஇளைஞர் ஒருவரிடம் தந்து அடுத்தவாரம் அடுத்த ஞாயிறு இதுபோலவே வேறொரு இடம் தேடிக் கன்று நடுவது…

இதைச் சொல்லும்போது எளிதாகத் தெரியலாம்.
செயல்படுத்தும்போதுதான் எத்தனை கடினம் என்பது புரியும்.

இதுவரை ஆயிரத்தைத் தாண்டும்மரக்கன்றுகள்.. 100இடங்களில் தளதளவென்று... அதிலும் காலஞ்சென்ற கவிஞர் வைகறை வைத்த கன்றுகள் வளர்ந்து நிற்பதைப் படத்தில் பார்க்கும் போது அவரது மாறாத சிரித்த முகம் கண்களைக் கலங்க வைத்துவிட்டது!

ஒன்றிரண்டு இளைஞர்கள் காலஓட்டத்தில் பிரிந்திருக்கலாம். 
ஆனால், புதியவர் இணைய இணைய 
இப்போது சுமார் 25முதல் 30பேர்வரை பணியாற்றுகிறார்கள்!
அவ்வளவு பேரும் 30வயதுக்குள் இணைகிறார்கள் என்பது ஒன்றும் சாதாரண செய்தியல்ல - நமது “நாற்றமெடுத்த நமது சமூகத்தில்” 
இதுவே பெரிய வரமல்லவா? 

இந்த இளைஞர்களைப்போற்றிப் பாராட்டுவதோடு, 
கைகொடுத்து, தோளும் கொடுத்து 
தொடர்வோம் வாருங்கள்! 
நம் வயது குறையட்டும்!

வரும் ஞாயிறு 23-7-2017 காலை 6மணி 
புதுக்கோட்டை- மருப்புணிச் சாலை - சேங்கைத்தோப்பு, செல்லையா கோவில் அருகில்.
100ஆவது “விதை-கலாம்” வருக!

இயன்றோர், இயன்றதைச் செய்க, இணைவோம் வருக!

“விதை-கலாம்” ஓர் அறிமுகம் –


வெள்ளி, 14 ஜூலை, 2017

உங்க BIGG-BOSS உம் ஜல்லிக்கட்டும் ஒன்னாலே?

சிநேகன்  சக்தி, கணேசிடம் சொல்கிறார் 
"நா அவள்(ஜூலி)கிட்ட இப்ப வரைக்கும் 
ஜல்லிக்கட்டப் பத்திப் பேசல, ஏன் தெரியுமா
பேசுனா, அவ இங்கயே தூக்குப் போட்டு செத்துடுவா!?!?"

வியாழன், 13 ஜூலை, 2017

சன் டிவி சம்பாதிக்க சமூகம் சீரழிய வேண்டுமா?

மனிதர் எதைக்கண்டு அஞ்சினரோ, அதையே வணங்கத் தொடங்கினர் என்பது வரலாறு. 
மரம், மழை, மலை, இருள், நெருப்பு என இந்தப்பட்டியல் நீளும்! அவ்வக்காலத்தில் தம்கையில் இருந்த கொலைக் கருவிகளை இவற்றின் கையில் தந்து, மேலும் பயமுறுத்துவதும் பயப்படுவதும், இப்போது வரை மாற வில்லை என்பதொரு சுவையான செய்தி! அதனால்தான் ஏகே-47 காலத்திலும் முருகன் இன்னும் வேலோடும், இராமன் இன்னும் வில்-அம்போடும், ஆங்காங்கே பாவப்பட்டு இறந்த பெண்களான அம்மன் சாமிகள் கொடும்ஆயுதங்களோடு, தொங்கிய நாக்கோடும் இன்றும் கோவில் கொண்டிருக்கிறார்கள் என்பது சொல்லாமலே புரியும்.

திங்கள், 10 ஜூலை, 2017

“கபாலி” பா.இரஞ்சித்தின் மேடை நாடகம் “மஞ்சள்”


“மஞ்சள்”

“மஞ்சள் உங்களுக்கு புனிதம், 
எங்களுக்கு அவமானம்!!!!!”

பொதுவாக, 
மானம்-அவமானமெல்லாம் நாம் வைத்துக்கொண்டது தானே?
வயல்சேறு சிலருக்கு நாறும்! அதுவே உழவருக்கு வாசமாகும்!

மஞ்சள் பொதுவாக புனிதத்தின் அடையாளம் என்கிறோமல்லவா, அதை உடைத்து, “மஞ்சள் எங்களுக்கு அவமானம்” என்கிற, முகத்தில் அறையும் வசனங்களுடனும் எழுச்சிமிகு பாடல்களுடனும் வந்திருக்கும் ஒரு புதிய நாடகம்தான் “மஞ்சள்”

வியாழன், 6 ஜூலை, 2017

பார்க்க வேண்டிய படம் இதுதான்!

புறநகர் ரயில் பயணங்கள் சுவாரஸ்ய மானவை. பலவிதமான குழுக்களை பார்க் கலாம். கஞ்சிரா இசைத்துப் பாடுவார்கள். கானா குழுக்களும் உண்டு. புரட்சிக் குழுக்களும் அனலைக் கக்கும். ரயிலே தடம் புரண்டாலும் கவலைப்படாமல் மும்முரமாக ரம்மி ஆடுவார்கள். விதவிதமான விற்பனையாளர்கள் வருவார்கள்; ராகம் போட்டு விற்பார்கள். இத்தனை விதமான மனிதர்களுக்கு மத்தியில் தனி ஒருவனாக தாய்மொழி வழி கல்விக்காக குரல் கொடுத்து கவனம் ஈர்க்கிறார் வினோத்குமார்.
உங்கள் குழந்தைகளின் எதிர்காலம்

வியாழன், 8 ஜூன், 2017

கருப்புச்சட்டை! சிவப்புச்சட்டை!! நீலச்சட்டை!!!


கவிஞர் சோலச்சியின்
“கருப்புச்சட்டையும்
கத்திக் கம்புகளும்”
சிறுகதை நூல் வெளியீடு

புதுக்கோட்டை-[_ன்,8 புதுக்கோட்டை அருகிலுள்ள வயலோகம் துர்க்கா அரங்கில் நடைபெற்ற கவிஞர் சோலச்சியின் “கருப்புச் சட்டையும் கத்திக் கம்புகளும்” நூலை வெளியிட்டுப் பேசிய கவிஞர் நா.முத்துநிலவன், “படித்தவர்கள் வெறும் பார்வையாளராகவே இருந்துவிடாமல், நாட்டில் நடந்துவரும் நல்லனவற்றின் பங்கேற்பா ளராகவும் வரவேண்டும்”என்றார்.

வெள்ளி, 2 ஜூன், 2017

நவகவியின் பாட்டிசைப் பெருவெள்ளம்!




வாழ்நாள் முழுதும் மறக்கமுடியாமல், கேட்கும் போதெல்லாம் பரவசப்படுத்தும்  அல்லது அவஸ்தைப் படுத்தும் பாடல்கள் சில எல்லாருக்கும் இருக்கும்தானே? அப்படியானவை, கண்ணதாசன், பட்டுக்கோட்டையார் எழுதிய பாடல் மட்டுமல்ல! நவகவியின் பாடல்களும்தான் என்பதைக் கம்பீரமாய்ச் சொல்ல வந்திருக்கும் பாடல் தொகுப்பு ”நவகவி1000”!



இலைகள் அழுத ஒரு மழை இரவு,
     எலும்பும் உறைந்துவிடும் குளிர்பொழுது
  கண்டேன் ஒரு காட்சி, கண்டெனது
    கண்ணில் இறங்கிவரும் நீர்விழுது
இந்த வரிகளை 25வருடமுன்பே முதன்முதலாகக் கரிசல் கிருஷ்ணசாமியின் காந்தக் குரலில் கேட்டபோது ஏற்பட்ட உணர்வு இப்போதும் மாறாதிருக்கிறது!

புதன், 17 மே, 2017

தமிழக பாஜக தலைவராகிறாரா ரஜினி?

அரசியலுக்கு வருவதை ஆண்டவன் தான் முடிவு செய்ய வேண்டும் என்றும், எந்த பொறுப்பு கொடுத்தாலும் நேர்மையாக செயல்படுவேன் என்றும் நடிகர் ரஜினிகாந்த்தெரிவித்தார். 

திங்கள், 15 மே, 2017

இந்தித் திணிப்பை எதிர்க்கிறோம் ஏன்? -– எமது போராட்ட விளக்கம்


இந்தியும் தமிழும்... 
தமிழின் வயது யாருக்கும் தெரியாது! ஏனெனில், “இவள் என்றுபிறந்தனள் என்றுணராத இயல்பினளாம் எங்கள் தாய்!” 5,000ஆண்டுகளுக்கும் மேலானது என்பதை ஊரறியும், உலகறியும் மொகலாய அரசன் கோரிமுகமது இந்தியாவின் வடமேற்கு பகுதிகளைக் கைப்பற்றி, அங்குத் தமது ஆட்சியை நிலைநாட்ட தில்லியை மையமாகக் கொண்டு ஆளத் தொடங்கியபோது உருதுமொழியுடன் பிராகிருதம் கலந்துபேசிய மக்களிடம் உருவான கலப்பு மொழியே இந்தி மொழி. இதன் காலம் கி.பி.850!  

திங்கள், 8 மே, 2017

டவுசர் கிழியட்டும்!

தெளிவாகச் சொல்லுங்கள்-
“நீட்“டாகப் போன எங்கள் பிள்ளைகளின்
சட்டையைக் கிழித்த
மோடி அரசின்
“டவுசர்” கிழியும்வரை
போராட்டங்கள் தொடரட்டும்!
----நா.முத்துநிலவன்.
------------------------------------------------- 
செய்தி,படத்துக்கு நன்றி - 
தினமணி நாளிதழ்-08-5-2017

வியாழன், 4 மே, 2017

“நீட்”தேர்வு – சமத்துவத்துக்கு சாவுமணி!( NEET EXAM DISPUTE)


அய்யா காமராசர் முதல்வராக இருந்தபோது, மருத்துவக் கல்லூரியில் சேரவிரும்பிய சுமார் 100 மாணவர்களின் விண்ணப்பங்கள், முதல்வரின் தனிச் சிபாரிசுக்கு வந்ததாம். 10சீட்டுகள், முதல்வரால் தேர்வு செய்யப்படும் சிறப்பு அனுமதி இடமாகக் கருதி ஏழை மாணவர்க்கு வழங்கப்படுவது வழக்கம்.
பல்வேறு வேலைகளுக்கிடையில் பத்தே நிமிடத்தில் அந்த 10சீட்டுக்குரிய விண்ணப்பங்களைத் தேர்வுசெய்தாராம் காமராசர். இதுகண்ட ஊழியர்கள் “எப்படி இவ்வளவு வேகமாத் தேர்வு செய்தீர்கள்?” என வியந்தார்களாம்.
 “விண்ணப்பத்துல, அப்பா கையெழுத்துப் போடுற இடத்துல கைநாட்டு வச்சிருந்த விண்ணப்பங்களாத் தேடி எடுக்கப் பத்துநிமிசம் போதும்ல ன்னேன்?!” என்று காமராசர் பதில் சொன்னதாகச் சொல்வார்கள்!
அதாவது, “படிக்காத பெற்றோர்களுடைய பிள்ளைகளின் படிப்புக்கே முன்னுரிமை தரவேண்டும்” என்று காமராசர் நினைத்திருக்கிறார்!
இது அப்போ!!!!
ஆனால் இப்போ...?

தானடித்த மூப்பாக மத்திய அரசில் நடப்பதென்ன?
“யாருடைய தந்தை, லட்சம்-கோடிகளைக் கொட்டிக்கொடுக்கத் தயாராக இருக்கிறார்களோ அவர்கள் மட்டும் விண்ணப்பித்தால் போதும்” என அறிவிக்கவில்லையே தவிர, மாநிலங்களின் கருத்தையும் இதுபற்றிக் கேட்காமல், அப்படித்தான் சட்டம் பேசுகிறது மத்திய மோடி அரசு !
“நீட்” தேர்வு என்றால் என்ன? 

திங்கள், 1 மே, 2017

மே-தை மாதமே!

(மே தின வாழ்த்துக் கவிதை)


எட்டுமணி நேர வேலை, எட்டுமணி நேர ஓய்வு,
         
எட்டுமணி நேர உறக்கம் - இதை
கெட்டமன மூலதன வர்க்கமே! தருகஎனக்
         
கேட்டெழுந்த போரின் தொடக்கம்             (1)

திங்கள், 24 ஏப்ரல், 2017

இன்று ஜெயகாந்தன் பிறந்தநாள் - அஞ்சலிக் கட்டுரை


மறக்க 
முடியாத
எழுத்தாளனின்
பிறந்த நாளில்

அவரை
வணங்கி,
ஒரு
மறு 
விமர்சனம்!


---------------------------------------         

ஒரு ஜெயகாந்தனும்
சில  ஜெயகாந்தன்களும் - 
-- நா.முத்து நிலவன் --
----------------------------------------------------------------------------
 மணிவிழாக் கருத்தரங்கம் முடிந்தது.
கார்களின் நெரிசலுக்கிடையே நடந்து போய்க்கொண்டிருந்த முனியம்மாஇரண்டு சக்கர வாகனத்தில் கிளம்பிய கங்காவை கவனித்துவிட்டாள்.
 “இன்னாம்மே ! கண்டுக்காத போய்க்கினேகீறியே!” ஹக்காங்
 “அட ! நம்ம முனிம்மா!” வண்டியை நிறுத்தி இறங்கிவிட்டாள் கங்கா.
 “சேச்சே ! என்ன முனியம்மா நா பாக்கல.. ஹவ் ஆர்யூசெமினார்க்கு வந்திருந்தியா?
 “வந்திருந்தியாவாமீட்டங்கி நடக்கச்சொல்ல அம்மாநேரமும் ஒரு மூலையில குந்திக்கினு அல்லாத்தியும் பாத்துகினுதான் இர்ந்தோம்…”
 “அட்ட! உன்னோட வேற யாரெல்லாம் வந்திருந்தாங்க” கங்கா கேட்டு முடியவில்லை நொடித்துக்காட்டினாள் முனியம்மா.
 அடடே! அல்லாரும் வரமாட்டமாங்காட்டியும்இந்த மினிம்மா மட்டுமா வந்திருந்தான்னு நென்ச்சிக்கினே அக்கட சூடு! நம்ப சித்தாளுகம்சல, ‘ஒருபுடி சோத்துக்க நாயா அலைஞ்சி லோல்படுற ராசாத்திமாரியம்மாஅந்தா ஓவர் டைமு’ ஏலுமல, ‘ டிரெடிலு வினாயகம்இந்தா பாசஞ்சர் வண்டியில’ வந்து பெரளயத்துல மாட்டிக்கின அம்மாசிக் கெயவன்நம்ம பாடகரு பொணத்தக் கட்டிகினு அயுதானரிக்சாக்கார கவாலிஅம்மாந் தூரம் ஏன்நேத்தக்கி வந்தவ… அந்த ரிசிபத்தினி’ பொன்னம்மா அல்லாந்தா வந்துர்ந்தோம்…”
 கொஞ்சம் தள்ளித்தள்ளிமரத்தடிகளில் நின்று பேசிக் கொண்டிருந்த எல்லோரையும் சுட்டிக் காட்டினாள் முனியம்மா. அவர்களோடுமுனியம்மா சொல்லாவிட்டாலும் - நூறு பேர்களில் இருவராக நின்றிருந்த பரந்தாமன்ஆனந்தனையும் பார்த்தாள் கங்கா. ஆச்சரியமாகவும் இருந்தது.
அந்த தெருவோர தேசியவாதிளைப் பார்க்க சங்கடமாகவு மிருந்தது.
 ‘தே ஆர் ஆல் செய்லிங் இன்த சேம் போட்..ஈவன் டுடே…’ என்று நினைத்துக்கொண்டவள் ‘ சே ! திங்க் பண்ணுவது கூட இங்கிலீஷில்தானா வரவேண்டும்’, என்று தனக்குள் விவாதித்துக்கொண்டே முனியம்மாவி;டம் கேட்டாள்..
ரியலிஎல்லாருமா வந்திருந்தீங்கநா பாக்கலியே. லாஸ்ட் ரோல ஐ வாஸ் சிட்டிங் வித் பிரபுகௌதம் அன் மாலா ரெண்டு மூணு சீட் தள்ளி கல்யாணியும்ரெங்காவும் கூட இருந்தாங்க. அப்பாலமகுடேசம்பிள்ளைமுத்துவேலர்கணபதி சாஸ்திரிகள்சீதாசங்கர சர்மாசாரதா மாமிதங்கம்ஆதி யெல்லாம் கூட வந்திருந்தாளே ! டோன்ட் யூ நோ தெம்?...”
 “ந்தா இந்த டஸ்ஸபுஸ்ஸிஇங்கிலீசெல்லாம் நம்ம கைல வாணாம் தாயீ! நீங்கள்ளாம் வெள்ளையும் சொள்ளையுமா சோபால குந்திகினு இர்ந்தீங்கநாங்க எப்பவும்போல அப்டி ஓரஞ்சாரத்துல ஒண்டிக்கினு எட்டி எட்டி பாத்துகிணு இர்ந்தோம்இன்னா பண்றதுபாயாப்போன மன்சு கேக்லியே?
 அது செரீஅல்லாரும் பேசவுட்டு கடசீல அவுரு வந்துஅது இன்னாதது ஏற்புரையாஆங்அதான்சிங்க மாட்டமா சொம்மா வெளாசித் தள்ளிகினாரேஆமாஅது இன்னாத்துக்கும்மே இப்பப்போயி அல்லாரும் தெகிரியமா இந்தி பட்ச்சிக்கணும்ன்றாரு? ..என்னிய மாரி மினியம்மால்லாம் இன்னிமேல இந்திபட்சி இன்னா ஆவப்போவுது ன்றாரூ…!
 “ஸீ!முனிம்மாஅட்லீஸ்ட் நெக்ஸ்ட்செஞ்சுரியிலாவதுஸீவாட் ஐம் கோயிங் டு சே ஈஸ்…” முனியம்மாவிடமும்  தன் இயல்பில் ஆங்கிலத்திலேயே பேசிவிட்டதை உணர்ந்துதனது நாகரிகமற்ற செயலுக்கு உண்மையிலேயே வருந்திநாக்கைக் கடித்துக் கொண்டு நிறுத்திவிட்டாள் கங்கா.
-----------------------------------------------------------------
 போதும்,
 கங்காவும்மற்ற உயிருள்ள பாத்திரங்கள் யாவும்சற்றுநேரம் அப்படியே உறைந்து நிற்கட்டும். நாம்அவர்களைப் படைத்தளித்த நமது அற்புதப் படைப்பாளியோடு சிறிது நேரம்-உரிமையோடு-பேசிவருவோம்.

Google+ Followers

Related Posts Plugin for WordPress, Blogger...